🍎: Ах нь ирлээ! Зам тавь!

POWERED BY

Hey! Шинэ утас авахаар төлөвлөж байгаа хүмүүс байна уу? Утас худалдан авахдаа хулгайд алдагдсан эсэхийг нь E-Mongolia-р шалгах боломжтой болсон байна шүү. Nice! 📱

MRTD: Булган боомт чиглэлийн авто замаас Байтаг хилийн боомт хүртэлх 95 км тусгай зориулалтын авто замын барилгын ажлыг ирэх онд дуусгахаар төлөвлөж байна.

BOND: Симпл III бондын захиалгын тоо 210-д хүрч зах зээлээс ₮20 тэрбумыг татан төвлөрүүлснээр амжилттай хаагдлаа. 

LAO: Лаосын Ерөнхийлөгч Тонглун Сисүлитийн Монгол дахь айлчлал өнөөдөр өндөрлөнө. 

MSE: МХБ-ийн III ангилалд бүртгэлтэй Гонир ХК болон Бинсэ ХК-ийн хувьцааг үнэт цаасны бүртгэлээс хасжээ.

🤔 Та зээлтэй юу?

Өнгөрсөн 4-р сарын байдлаар нийт зээлийн үлдэгдэл жилийн өмнөхөөсөө 26.4% өсөж ₮29.7 их наяд болоод байна. Энэ тоонуудыг ухаж суухад хэд хэдэн сонирхолтой зүйл ажиглагдсаныг хуваалцъя. 

1 өрхөд ногдох зээл = ₮17.9 сая

Нийт зээл дотроо иргэдийн зээлийн үлдэгдэл 2008 оноос хойш жилд дунджаар 21.7% нэмэгджээ. Иргэдийн зээлийн үлдэгдэл хамгийн ихээр нэмэгдсэн жил нь эдийн засгийн их тэлэлтийн үе буюу 2011 онд тохиосон бол 2015 онд хамгийн ихээр буурсан аж. Түүнчлэн 1 өрхөд ногдох иргэдийн зээлийн үлдэгдлийг харвал 2020 онд ₮9.4 сая байсан бол 2024 онд ₮17.9 сая болж 90.4% өссөн байна. 

• Байдаг үзүүлэлт: 1 өрхөд ногдох иргэдийн зээл ₮17.9 сая гэхээр их байна, бага байна, манайд ийм зээл байхгүй гэх хүмүүс байж магадгүй. Энэ үзүүлэлтийг бид цоо шинээр гаргаж байгаа юм биш шүү. ОУ-д байдаг л үзүүлэлт. Монголбанк ч 1 өрхөд ногдох өрийн хэмжээ, 1 өрхөд ногдох өрийн дарамт гэж үзүүлэлт гаргадаг шүү.

Сонгуулийн нөлөө байна уу? 

Өмнөх парламентын сонгуулийн жил буюу 2020 онд тэтгэврийн зээлийг тэглэх тухай хуулийн төслийг баталж, тухайн үед тэтгэврийн зээлтэй байсан иргэдийн зээлийг тэглэсэн. Тодруулбал,

• Тэглэлтийн нөлөө: Тус оны нийт зээлийн үлдэгдэл жилийн өмнөхөөсөө 5%, тэр дундаа иргэдийн зээлийн үлдэгдэл 7.9% буурч ₮8.5 их наяд болжээ. Гэхдээ үүнд зээлийн тэглэлтээс гадна 2020 оны Ковид-19-ийн нөлөө ч бий. 

Эцэст нь… 1 өрхөд ногдох иргэдийн зээлийн хэмжээ сүүлийн 4 жилд 90.4% өссөн гэхээр бас л…

🍎: Ах нь ирлээ! Зам тавь!

Apple (AAPL)-н уламжлал болсон Worldwide Developer Conference (WWDC) урд шөнө болж өнгөрлөө. 2 үг: гал, гал.

Хүлээлт дуусгавар боллоо

Удаан хугацаанд хүлээлгэсний эцэст Apple өөрсдийн AI болох Apple Intelligence-г танилцууллаа. Ингэхдээ олон хүний таамаглаж байсан шиг Siri AI-тай хоршиж ажиллан, нэг ёсондоо хэрэглэгчдийн хувийн туслах мэт ажиллах гэнэ. 

• Apple-н AI юу хийж чадах вэ гэхээр iMessage дээр нэгэн хэвд цутгасан эможи ашигладаг цаг улиран одож Genmoji-н тусламжтайгаар хэрэглэгч AI-р бодож санасан зүйлээ төгс илэрхийлэх эможиг бүтээх, имэйлээ AI-р засуулж, ахин бичүүлэх зэрэг олон боломж нээгдэж байна. Хамгийн гоё нь Photos дээр Photoshop шиг функц нэмэгдэх гэнэ ээ. 

• Apple x ChatGPT: Siri AI-н чадлаас хэтэрсэн даалгавар гарч ирвэл GPT-4o-г ашиглах боломжтой болж байгаа юм байна. Хэрэглэгч ChatGPT хэрэглэдэггүй байсан ч Apple-н төхөөрөмжүүд дээр ашиглахад үнэгүй төдийгүй бүртгэл үүсгэх шаардлагагүй аж. Энэ өөрчлөлт орвол Apple-ийн бүх утсыг “Ban” хийнэ хэмээн Маск мөн жиргэв. Маск, Алтман хоёрын улс төр цаашид хэрхэх нь сонирхолтой.

iOS 18 = Улам хөөрхөн болсон Apple-н гэр бүл

iOS 18 AI-р түрэгдэж урьд хожид харагдаагүй хэрэглэгчийн туршлагыг ахиулсан шийдлүүдтэй болоод буй. Тухайлбал, Control Center-г хүссэнээрээ өөрчлөхийн сацуу апп-уудын өнгийг улаан, ногоон хүссэн өнгөөр өөрчлөх, утсан дээрээ байлгахаас ичдэг зарим апп-ийг нуух, түгжих боломжтой болгоод буй. 

• Ухаалаг: Саяхнаас iPhone хэрэглэгчид утсаа ойртуулаад л утасны дугаар, хувийн мэдээлэл, зураг, бичлэг хуваалцах боломжтой болсон доо. Тэгвэл Apple Wallet ч яг ийм замаар хэрэглэгч хооронд гүйлгээ хийх боломжтой болсон байна.   

• macOS Sequoia: MacBook-н тухайд iPhone Mirroring апп-ийн тусламжтай iPad, iPhone гээд бүхий л төхөөрөмжөө удирдах боломжтой болж.

• Толгой байхад л болно: AirPods Pro-р дуудлага авахдаа хэрэглэгч толгойгоо дохиж, сэгсрээд л дуудлага авч, тасалж болох нь ээ. 

Эцэст нь… Дэлхий урагшилсаар. Мань мэт бахь байдгаараа.

🍋 Билл Гейтсийн санхүүжүүлдэг эрчим хүчний компани Вайоминг мужид шинэ үеийн цөмийн эрчим хүчний цахилгаан станц барих шавыг тавьжээ. Тодруулбал, тус станц нь натри хөргүүртэй дэвшилтэт реактортой байх бөгөөд энэ нь бага ачааллаар өндөр эрчим хүч үйлдвэрлэдэг тул уур амьсгалын өөрчлөлтийн эсрэг чухал технологиудын нэгд тооцогддог аж. 

🍋 Өмнөд Солонгосын Dohwa Engineering Улаанбаатарт метро барих зөвлөх үйлчилгээг үзүүлнэ. Тус компани Ази, Африк, Латин Америкийн орнуудад метроны төсөл хэрэгжүүлж байсан бөгөөд уг тендерт 4 компанитай хамтран оролцжээ. Улмаар метроны бүтээн байгуулалтын ажил 2025 онд эхэлнэ.  

🍋 Ирэх сарын 9-ны өдөр “Startup World Cup“ стартап пич арга хэмжээ Монголд зохион байгуулагдана. Уг арга хэмжээнд Төв Азийн стартап экосистемийн хамаарал бүхий корпорацууд, хөрөнгө оруулагчид, стартапууд оролцох юм. Тус арга хэмжээнд оролцож, $1 саяын хөрөнгө оруулалтын төлөө өрсөлдөх стартапуудыг бүртгэж байна. Амжилт!

🍋 Шенгений визийн хураамж €10 болон €5-оор нэмэгдлээ. Тодруулбал, насанд хүрэгчдийн визийн хураамж €90 болсон бол 6-12 хүртэлх насны хүүхдийн хураамж €45 болжээ. Визийн тухай журамд заасны дагуу 3 жил тутамд Европын Комиссоос хийдэг шалгалтын  үр дүнд шенгений визийн хураамжийг ийнхүү нэмэх шийдвэр гарчээ. 

🍋 Сократус Стартап Студио болон Камбожийн Үйлдвэрлэл, шинжлэх ухаан, технологи, инновацын яам хамтран ажиллахаар болов. Энэ хүрээнд Сократус Стартап Студиогийн гарааны бизнес, ЖДҮ-ийн хөтөлбөр, монголын ШУ, гарааны бизнесүүдийн үйл ажиллагаатай танилцах, хамтын ажиллагааг өргөжүүлэх чиглэлээр 5 өдрийн сургалт, хэлэлцүүлгийг зохион байгуулжээ. 

How to Do Great Work by Paul Graham

Алдарт бизнес эрхлэгч, Y Combinator-н үүсгэн байгуулагч Пол Грахамын хэрхэн сайн ажиллах талаарх визуалыг хүргэж байна.

Сонирхоод үзээрэй. Ажил, карьерын замналаа өөрөөр харахад тань хэрэг болно гэж найдъя. 🍋 

УИХ-ын 2024 оны сонгуультай холбоотой мэдээллийг түүвэрлэн хүргэж байна. 

• Монгол Ардын Намын мөрийн хөтөлбөртэй ЭНД дарж танилцана уу.  

• Ардчилсан Намын мөрийн хөтөлбөртэй ЭНД дарж танилцана уу. 

• ХҮН намын мөрийн хөтөлбөртэй ЭНД дарж танилцана уу. 

• УИХ-ын сонгуульд нэр дэвшигчдийн 61% нь эрэгтэй, 39% нь эмэгтэй байна. 

• Гадаадад оршин сууж буй 5,340 иргэн сонгуульд саналаа өгөхөөр бүртгүүлжээ.

• Ахиц: Алцхеймерийн өвчний эхэн үед марталтын явцыг 35% бууруулах шинэ эмийн туршилт үр дүнтэй болсон гэнэ. (TheWashigtonPost)

• Хэрэгтэй: Монголбанкны зээлийн мэдээллийн сангийн тохируулгыг хийж дууссан байна. (Mongolbank)

• Сонирхолтой: Сөүлд нисдэг тэргээр таксины үйлчилгээ үзүүлж эхэлсэн байна шүү. (Yonhap)

• Өө, хө: Илон Маск Apple-н төхөөрөмжүүдийг өөрийн компаниудад хориглоно гэж сүрдүүлжээ. (CNBC)

🍋 Sharing is Caring!

Товхимлын маань бизнес, санхүүгийн онцлох мэдээллүүдээс хоцорч буй ажлын хамтрагч, найзуудаа доорх Unique Referral холбоосоор уриад referrals оноо цуглуулж Lemon Press-н мерчийн эзэн болоорой.

Unique Referral: https://lemonpressnewsletter.beehiiv.com/subscribe?ref=PLACEHOLDER

Хамтран ажиллах | Ажлын байр | Редакцын бодлого

Publisher: Ц.Анхбаяр
Editor: С.Ангирмаа
Writers: М.Хулан, Б.Батчимэг
Graphics by: Ч.Батцэрэн