📧 Уриалга

Дөрвөн жилд нэг тохиох өдөр!

June 27, 2024

Сонгуультай өглөөний мэнд ээ! Lemon Press-н зүгээс уншигчдаа сонгуульдаа идэвхтэй оролцохыг уриалж байна. 🍋

Эрхэм уншигч танд энэ өдрийн мэндийг хүргэе. Өнөөдөр бол дөрвөн жилд нэг тохиох УИХ-ын сонгуулийн өдөр. Бидний ирээдүйнхээ төлөө хийж чадах хамгийн чухал үйлдлийн нэг бол сонгуульд оролцох явдал. Сонгууль бол ардчилсан нийгмийн хамгийн үндсэн эрхэм зүйл бөгөөд таны сонголт бидний улсын ирээдүйг тодорхойлох хүчтэй зэвсэг юм.

Таны санал бол зүгээр нэг цаас биш. Харин таны дуу хоолой, таны үнэт зүйлсийн илэрхийлэл. Та өөрийн амьдралд чухал өөрчлөлт авчирч, бидний амьдралын чанарыг дээшлүүлэх шийдвэрүүдийг гаргаж чадах хүмүүсийг сонгох эрхтэй. Гэхдээ энэ нь зөвхөн таны сонголт байх ёстой гэдгийг санаарай.

Ирээдүйд бидний үр хүүхдүүд, гэр бүл ямар нийгэмд амьдрахыг та бидний өнөөдрийн сонголт тодорхойлно. Та өөрийн сонголт, шийдвэрээрээ өөрчлөлт авчирч, хувь нэмрээ оруулаарай.

Lemon Press-н зүгээс та бүхнийг сонгуульдаа идэвхтэй оролцож, өөрийн дуу хоолойгоо илэрхийлж, ирээдүйн улсынхаа өнгө төрхийг хамтдаа тодорхойлохыг уриалж байна.

Таны сонголт ухаалаг байг!

Гүнээ хүндэтгэсэн,
Lemon Press Team

📌 Бяцхан зөвлөгөө:

  • Саналаа өгөхөөс өмнө намуудын мөрийн хөтөлбөрийг эргэцүүлэх.  (LemonPress)

  • Сонгогчдын нэрийн жагсаалтаас өөрийн бүртгэл болон санал өгөх байрны мэдээллийг нягтлах.  (election.burtgel.gov.mn) 

  • Санал тэмдэглэх заавартай танилцах. (M-Election)

⚠️ Анхаар! 

Энэ удаагийн сонгуульд хамгийн олон буюу 10 мандаттай тойргийн саналын хуудас 78.7 см урттай байгаа. Ерөнхийдөө аль ч тойрогт саналын хуудас дээр олон нэр дэвшигчээс сонголт хийж багагүй хугацаа зарцуулах тул саналаа эртхэн өгөх нь чухал юм шүү. 

🎁 Эртэч шувууг урамшуулна 

Саналаа өгсөн хариуцлагатай сонгогчдод компаниуд олон гоё урамшуулал, хөнгөлөлтийг олгож байгаа шүү. Сонирхуулахад, Tapatrip сонгуулийн өдөр унадаг дугуйгаа 20 мин үнэ төлбөргүй унуулах бол Дүдү хүүхдийн музей таны хүүхдийг 2 цагийн хугацаанд харж өгнө гэнэ. Нэмээд, Chuu Chuu House, CU Mongolia-д американо 50% хөнгөлөлттэй бол, Jack’s Coffee 500 аяга кофе тарааж, Tagtaa Publishing 2 ялагчийг тус бүр 5 номоор урамшуулна гэсэн шүү. 

Эцэст нь… Монголын ирэх 4 жилийн ирээдүй таны гарт байна!

Reply

or to participate.