📝 Монгол буцсан $13.9 сая

POWERED BY

Hey! Эдийн засаг эвгүй байна даа, хүүхээ. Энэ оны нүүрсний экспортын орлого жилийн өмнөхөөсөө 35.7% буураад, Улаанбаатарын гол нэрийн барааны үнэ сарын өмнөхөөсөө 1.1% өсөөдөхжээ. Маргааш 2-р сарын инфляц гарна. 2 оронтой тоо руу орох нь баараггүй боллоо. Жавхлан юм даа. 🫥   

MNG: Монгол болон Чех харилцааны түвшнээ шат ахиулж иж бүрэн түншлэлд хүргэв. 

^IXIC: Nasdaq ирэх оны II хагасаас ажлын 5 хоног 24 цагаар арилжаа хийдэг болно. 

MSE: Тэнгэр Даатгал (ТNGR) ТУЗ-ийн бүрэлдэхүүн дэх гишүүдээ 3 жилийн хугацаатайгаар шинээр томилж, үйл ажиллагааных нь зардлыг ₮300 саяар тогтоолоо. 

🚫 Авлигын нөхөн төлбөр: ₮2.9 их наяд 

Өнгөрсөн 7 хоногт Монгол болон Малайзын Авлигатай тэмцэх хороо хооронд хамтран ажиллах санамж бичиг байгуулж, авлигын эсрэг стратегийн түвшинд хамтран ажиллахаар болсноо мэдэгдсэн. 

• 📝 Одоогоор бид 19 улстай эрүүгийн хэрэгт харилцан туслалцаа үзүүлэх гэрээтэй бөгөөд Тайландтай хамтын ажиллагааны санамж бичиг байгуулахаар ажиллаж байгаа гэнэ.

🫡 Эргүүлэн авчирна

АТГ өнгөрсөн оны тайландаа Латвийн нэр бүхий банканд битүүмжлэгдсэн €540,307-г Монгол Улсад буцаахаар ажиллаж байгаагаа дурдсан байна лээ. Хэнийх нь ч мөнгө юм, яахаараа ч Латвид явж байдаг юм. Энэ мэтчилэн авлигаар гадагш урссан мөнгийг дотооддоо эргүүлэн авчрахын тулд гадаад сүлжээгээ өргөжүүлж, зузаатгах нь нэн чухал. 

• 🏃🏻‍➡️ Тухайлбал, АТГ-ын 2019 оноос эхлэн шалгаж эхэлсэн Лондонгийн хэрэг л гэхэд төрийн өмчит үйлдвэрийн удирдах албан тушаалтан хахуулийн мөнгөөрөө Лондонд орон сууц худалдан авч, улсад ₮6.4 тэрбумын хохирол учруулсныг нь нөхөн төлүүлж байсан гэдэг. 

• 🏖️ Үүнээс гадна Мэн арлын, Виржиний арлуудын гэхчлэн олон нийтэд мэдээлсэн хэргүүдийн цаана хэр олон үл хөдлөх, мөнгө гадаадад байгааг таахад бэрх. 

📝 Монгол буцсан $13.9 сая

Юутай ч АТГ-ын 2020 оноос эхлэн буцаан авчирсан нийт дүн нь $13.9 сая буюу ₮50 тэрбумыг давсан байна. Харин өнгөрсөн онд дотоодод авлигын хэргээс үүдэлтэй нийт ₮417.2 тэрбумын хохирол учирсны 57.7% буюу ₮240.9 тэрбумыг нөхөн төлүүлжээ.  

• 🗣️ Солонгос “style”: Хамгийн сүүлийн хэрэг гэхэд Дэлхийн банк 6 жил санхүүжүүлсэн $19.6 саяын “Цахим эрүүл мэнд” төслөө зогсоож, ЗГ-аас $1.7 саяыг нэхэмжилсэн явдал. Улмаар АТГ-ын шалгалтаар төслийн гүйцэтгэгч болох Өмнөд Солонгосын Taihan Cable & Solution-р тус мөнгийг ЗГ-т төлүүлэхээр болсон юм. Гадагш авч нуучих гээд, дотогш орсныг нь идчих гээд хэцүү ч юм аа даа. 

Эцэст нь… Өнгөрсөн онд авлигын гэмт хэрэг өмнөх оноосоо 4.9%, өсөж 1,742-т хүрсэн. Голдуу эрх мэдлээ урвуулсан ашигласан гэмт хэрэг зонхилж байна. Бид авлигын индексэд 3 жил 33 гэх оноотой гацаж, 2015 оноос хойш 6 оноо алдсан буюу Ази, Номхон далайн бүсдээ хамгийн их ухарсан орноор тодроод байгаа. 

Ковидын төсөв, Хөгжлийн банкны хэрэг, ногоон автобус, утаа, нүүрсний хэргүүд бол тогтолцооны ялзралын өчүүхэн л хэсэг гээд бодохоор авлигачидтайгаа муур, хулганадаж тоглоход Монгол Улс 1 АТГ-тай байх нь багадах юм шиг.

⚠️ Түгшүүртэй өсөлт

Сүүлийн үеийн дэлхийн улс төрөөс болж Европын хөрөнгийн зах зээл ч сонирхолтой хөдөлж байна даа. 

💶 Гол хөдөлгүүр

Технологийн титануудаар зах зээлээ бүрсэн Америкаас ялгаатай нь Европын хөрөнгийн зах зээлд эм үйлдвэрлэгчид нэлээд жин дардаг. Тус тивийн хамгийн өндөр үнэлгээтэй компани бол сүүлийн жилүүдэд тураах эмээрээ олноо танигдах болсон Novo Nordisk (NVO). 

• 🍰 Цаашлаад, Евро бүсийн хамгийн том индекс болох Euro Stoxx 50 (^STOXX50E)-д LVMH (MC.PA), SAP (SAP.DE), Hermes (RMS.PA) гэхчлэн эм, худалдаа, технологийн компаниуд нэлээд жин дарж буй. Он гарснаас хойш Euro Stoxx 50 индекс 35% өсөөд байгаа. Гэхдээ уг өсөлтөд дээрх луугар компаниуд бус батлан хамгаалах салбарын компаниуд нөлөөлжээ. 

Учир нь Америк Украины харилцаа эвгүйдэж байгаа энэ үед Европ өөрийгөө дахин зэвсэглэх $840 тэрбумын төлөвлөгөөг танилцуулсан. Өөрөөр бол гишүүн орнуудынхаа батлан хамгаалах зардлыг эрс нэмэгдүүлэхийн сацуу зээл, татаасаар жинхэнэ утгаараа нүднэ гэсэн үг. 

🦾 Европыг зэвсэглэх компаниуд

Энэ нь зах зээлд Европын Холбоо дайнд бэлдэж буй дохио болж тус тивийн батлан хамгаалах салбарын компаниудын хувьцаа солиотой өсөх болов. Томчуудаас нь толгой тоолоод явахад BAE Systems (BA.L), Airbus (AIR.PA), Leonardo (LDO.MI), Rheinmetall (RHM.DE) гэхчлэн хувьцааны үнэ нь түүхэн өндөр цэгтээ хүрсэн компани олон байна. Үүний дийлэнх нь сүүлийн 1 сард өрнөсөн. Эдгээр компаниуд ганц Европт гэлтгүй дэлхийн хөрөнгийн зах зээлд хамгийн өсөлттэй байсан компаниуддаа тооцогдохоор. 

😏 Дайн дуусгах хүсэлгүй

Орос, Украины дайн эхэлснээс хойш улс орнууд батлан хамгаалах зардлаа эрс нэмж, тус салбарын компаниудын хувьцааны үнэ ч түүхэн өндөр цэгтээ хүрсэн. Америк гэхэд 2020 оноос хойш батлан хамгаалах салбараа жил бүр $700 тэрбум давсан төсвөөр угжиж байгаагаас харахад улс орнууд ч тэр, хөрөнгө оруулагч нар ч дайн дуусах хүлээлтгүй байх шиг. 

Эцэст нь… Европ дан ганц Украиныг дэмжихдээ бус алсдаа өөрийгөө хамгаалахаар бодит алхам хийж байна даа. Их гүрнүүд юу юугүй нүүр тулж тулалдаад байхгүй ч цөвүүн цаг ирж байгаа нь тодорхой.

Бяцхан кейс задлан. 💡

• Асуудал: Аялал жуулчлалын үйлчилгээ үзүүлдэг … компани сошиал сувгуудаараа хэрэглэгчдээ олж авдаг байв. Үүнээс цааш хэрэглэгчидтэйгээ харилцах явц нь сурсан дадсанаараа утсаар ярих, биечлэн уулзах зэргээр өрнөдөг ч, хэрэглэгчид нэмэгдэхийн хэрээр энэ арга барил цаг хугацаа их шаардах болж.

• Шийдэл: Компани хэрэглэгчдийн сонирхсон аливаа жижиг сажиг асуултуудаас эхлээд аяллын маршрут, авч явахад хэрэгтэй зүйлс гэхчлэн гол мэдээллийг агуулсан апп боловсруулав. 

Тус компанийн шийдэл хэр амжилттай хэрэгжих бол? Санал, бодлоо хуваалцаарай! 😉

💻 Технологийн шинэчлэлээ ITStore-с

ITStore бизнес эрхлэгчдэд зориулан урт хугацаатай, урьдчилгаа төлбөргүй “Байгууллагын лизингийн үйлчилгээ”-г нэвтрүүллээ!

📌 Хэн авах боломжтой вэ?

Хэрэв та бизнесийнхээ үйл ажиллагааг 6 сар болон түүнээс дээш хугацаанд явуулж байгаа бол тэндээс компьютер, принтер, программын лиценз, таблет, гар утас зэрэг бүх төрлийн IT бүтээгдэхүүнийг урьдчилгаа төлбөргүй, урт хугацааны лизингээр авах боломжтой!

Заа тэгээд технологийн шинэчлэлээ ITStore-с хийнэ биз ээ.

🔗 Дэлгэрэнгүй мэдээлэл авах бол ЭНД дарна уу!

🍋 Venture Global (VG) IPO хийснээсээ хойш $39 тэрбумыг алдав. Угтаа компани өнгөрсөн оны 5-р сард $1 тэрбумын хөрөнгө босгох зорилгоор IPO хийсэн. Тэр цагаас хойш $VG-н хувьцааны үнэ 63% буурч өдгөө $8.95 болжээ. Арга ч үгүй дээ, компанийн IV улирлын орлого нь 2023 оны мөн үеэс 737% бага буюу $1.5 тэрбум гарсан хойно. 

🍋 Монгол-Чехийн бизнес форумд 100 гаруй бизнес эрхлэгчид оролцож байна. Тэдгээр нь хүнс, ХАА, хөнгөн үйлдвэр, эрүүл мэнд, боловсрол, уул уурхай, эрчим хүчний салбарт үйл ажиллагаа явуулдаг компаниудын төлөөллөөс бүрдэж буй. Маршрутын хувьд эхний ээлжид тэндхийн даавууны үйлдвэр, мах махан бүтээгдэхүүний үйлдвэр болон Прагийн Хөрөнгийн биржээр зочилжээ. 

🍋 ByteDance хувьцаагаа халаасалж $315 тэрбумын үнэлгээтэй болно. Тодруулбал тэд нэгж хувьцаагаа 6 сарын өмнө зарласан дүнгээс 11% их буюу $189.9-оор худалдан авах аж. Эргэн харвал сүүлийн 2 жилд тэд хэд хэдэн удаа хувьцаагаа халаасалснаас гадна орлогоо 30% өсгөж $146 тэрбум болгосноор 2023 онд $160 байсан хувьцааны үнээ өсгөж чаджээ. 

🍋 Ипотекийн даатгалын үйл ажиллагааны зохицуулалт шинэчлэгдлээ. Энэ хүрээнд зээлдэгч барьцаа хөрөнгөө ердийн даатгалын компаниудад даатгуулах, харин амь нас, эрүүл мэндийн даатгалын хувьд зөвхөн урт хугацааны даатгагчийн санал болгож буй бүтээгдэхүүнд хамрагдахаар зохицуулав. Улмаар даатгалын хамгаалалтын хэмжээ 5-6 дахин нэмэгдэх нь ээ. 

• 📉 Дональд Трампын татварын бодлого өр өшиглөв. (Reuters)

• 📻 ХХЗХ радио давтамжийн зурвас ашиглах тусгай зөвшөөрөл олгох сонгон шалгаруулалт зарлажээ. (ХХЗХ)

• 🎞️ Netflix-р сонин юутай байна? (Wired) 

• 💭 Бод, бод, бас дахин бод. (HBR)

Хамтран ажиллах | Ажлын байр | Редакцын бодлого

Publisher: Ц.Анхбаяр
Editor: С.Ангирмаа
Writers: М.Хулан, Б.Эмүжин
Graphics by: Ц.Цэлмэг, А.Бат-Эрдэнэ