🔮🪄 Accio: Тэр эргэн ирнэ

POWERED BY

Hey! Манай Apple Pay-н мэдээг нэг хүн хуваалцаад “Тог тасарчихсан байхад юун Apple Pay вэ?” гэжээ. Нээрээ л хаа сайгүй цахилгаан тасарч байна даа. Газ, лаагаа бэлдээрэй та минь ээ, сайд маань он дуустал цахилгаан хязгаарлахыг үгүйсгэхгүй гэсэн байна шүү. Монголчууд хэзээ лааг гэрэлтүүлэх биш тайвшрах зорилгоор ашигладаг болно доо… 🥲⚡

ERDN: Эрдэнэ Ресурс Девелопмент Корпорэйшн (ERDN) “Баян хөндий” алтны төслийг ашиглалтад оруулахаар ХХБ (TDB)-наас $50 саяын эргэлтийн хөрөнгийн зээл авах гэрээ байгуулжээ. 

CHN: Ши Жиньпин Америкийг худалдааны дайныг ахин эхлүүлэхгүй байхыг анхааруулж, дайнд хэн ч ялахгүйг сануулав. 

MNG: Өчигдрөөс Эрдэнэс Тавантолгой ХХК-ийн баяжуулсан нүүрсний тээвэрлэлт эхэллээ.

💰 Цалин ба хөдөлмөр эрхлэлт

Монголд ажилгүйдлийн түвшин 6.1% байгаа. Энэ бол 10 жилийн өмнөхөөс ердөө 0.2 нэгж хувиар буурсан үзүүлэлт. 10 жил өнгөрөөд ч ажилгүйдэл дорвитой буураагүй гэсэн үг. Энэ ер нь хэвийн зүйл үү?

👀 Ажил олдохгүй байна

Хөдөлмөр нийгмийн хамгааллын сургалт, үнэлгээ, судалгааны институтийн судалгаанаас харахад Монгол  ажилгүйдлийн түвшнээрээ бүс нутгийн болон жишихүйц хөгжилтэй орнуудтай адил түвшинд байгаа аж. Мэдүүштэй нь манайд ажилгүйдлийн үргэлжлэх хугацаа 7.5 сар байгаа нь олон улсын дунджаас бага гэнэ. Гэхдээ нийт ажилгүй хүмүүсийн дийлэнх буюу 33.5% нь “Ажил хайгаад олдохгүй байгаа” гэх шалтгаанаар ажил хийдэггүй. Гэтэл нөгөө талд Zangia.mn дээр зөвхөн өчигдөр л гэхэд 400 ажлын байр зарлагдсан байна. 

• ❌ Огтлолцолгүй: Тэгэхээр нэг талд ажилгүй хүмүүс байгаа ч нөгөө талд ажиллах хүчний хомсдол үүсээд байгаа хэрэг. Хомсдолын шалтгаан нь цалин, орлого, өмнөх үеийн бага төрөлттэй холбоотой. Нэмээд үйлдвэрлэл, барилга, гар урлал, үйлчилгээ зэрэгт хамаарагдах энгийн ажил мэргэжлийн эрэлт хангагдахгүй байгаа. Энэ нь хомсдолыг улам дэвэргэж буй. 

• 🥲 Дорвитой өсөлтгүй: Угаас сүүлийн жилд Монголын нэрлэсэн дундаж цалин 169% өссөн ч үнийн өсөлтийг хасаад яг бодитоор тооцвол дорвитой өсөөгүй буюу 31% л өссөн. Доллароор илэрхийлэгдэх цалин бол бүр 17% л өссөн гэж байгаа. 

• 🏴‍☠️ Нурууны ачаа: Цаашлаад, татвар болон үнийн өсөлт иргэдийн худалдан авах чадварыг бууруулснаар албан бус хөдөлмөр эрхлэлт нэмэгдэж байна. 2010 оноос хойш улсын хэмжээнд албан бус хөдөлмөр эрхлэлт 40% өсөж 215.4 мянга, Улаанбаатарт бүр 80% өсөж 124.3 мянгад хүрчээ. Одоо гэрээгээр хөдөлмөр эрхлэхэд ч НДШ төлөхийг шаардаж байгаа нь энэ тоог улам өсгөхийг үгүйсгэхгүй. 

🇲🇳 Монголчууд: Хэзээ нэг өдөр явна, даа

Энэ бүгдээс үүдэн ажиллах хүчний гадагш чиглэсэн урсгал гол горхиос хүрхрээ болон хувирч ажиллах хүчний нийлүүлэлт улам буурах эрсдэл үүсэж байна. Одоогоор хилийн чанадад хөдөлмөр эрхэлж буй 136 мянган хүн байгаа ч 15-64 насны иргэдийн дунд явуулсан санал асуулгаар 2/3 нь “Хэрэв боломж байвал гадагшаа явж ажил хийх сонирхолтой” гэжээ. Энэ тоо 25-34 насны залуусын дунд 73%, харин 15-24 насны залуусын хувьд 80%-д хүрч байгаа аж. Ингэхээр бид яаж баялаг бүтээнэ вэ?

📱 iOS-н Монгол дахь албан ёсны нээлт

Монгол Улсын 2024 оны шилдэг банкаар тодорсон Голомт банк (GLMT) 90 орчим улсад хэрэглэгддэг Apple Pay төлбөрийн системийн Монгол дахь нээлтийн арга хэмжээг зохион байгууллаа.

• Уг төлбөрийн системийг нэвтрүүлснээр Голомт банкны харилцагчид SocialPay апп-аар дамжуулан Mastercard болон Т картыг холбосноор нэмэлт шимтгэл төлөхгүйгээр хамгийн хурдан төлбөр төлөх боломжтой болж байна.

Ийнхүү тус банк Apple Pay, Apple Wallet-н албан ёсны эрхтэй Монголын анхны арилжааны банкнуудын нэг болж буй. 👏

🔗 ЭНД дарж картаа хэрхэн холбох талаар дэлгэрэнгүй мэдээлэл аваарай.

🔮🪄 Accio: Тэр эргэн ирнэ

Lumos! Potterheads-үүд байна уу? Harry Potter 13 жилийн дараа стрийминг цуврал болон эргэн ирэх нь ээ. Шинэ ангийн зураг авалтыг нь ирэх зун хийх гэж байгаа л гэнэ. Догдолж байна шүү. Wingardium Leviosa! 🪄

🪙 Expecto Patronum = $9.6 тэрбум

2001-2011 жилийн хугацаанд Harry Potter-н 8 анги гарч дууссан ч түүх нь үргэлжилсээр байгаа. Тус франчайз дэлхий даяарх Box Office-с $9.6 тэрбумыг олсноор бүх цаг үеийн хамгийн өндөр ашиг орлоготой франчайз кинонуудын нэгд зүй ёсоор багтсан. Энэ орлогоороо бусад алдартай франчайз кинонууд дундаа 3-рт буюу Marvel Cinimatic Universe, Star Wars-н араас жагсаж буй. Expelliarmus! 👇

• 🧝 Potter-н увдис: Дэлхий даяар Harry Potter-н сэдэвчилсэн 6 парк жил бүр хэдэн сая жуулчдыг татсаар байна. Өнгөрсөн онд эдгээр паркуудыг 62 сая жуулчин зорьж $8.9 тэрбумын орлого оруулсан гэдэг. Энэ нь кино бүтээлийн орлогын 35.6%-тай дүйнэ гэхээр үнэхээр галзуу үзүүлэлт.

• 🤩 Easy 10 сая: Энэ дундаас Флоридиа мужид байрлах “The Wizarding World of Harry Potter” парк хамгийн алдартай бөгөөд 2023 онд 22 сая жуулчин хүлээн авчээ.

🗣️ Дүрүүдэд: Шуум

Харин шинээр гарах Harry Potter-н цувралын дүрийн сонгон шалгаруулалтын талаар сонирхоход, саяхан болсон гол 3 дүрийн сонгон шалгаруулалтад 32,000 гаруй хүүхэд оролцсон сурагтай. Цаашлаад дүр сонгон шалгаруулалтын цуурхлаас хуваалцахад, өмнө нь Voldemort-н дүрийг бүтээсэн Ральф Файнс өөрийн бүтээсэн дүрдээ Oppeinheimer киногоороо дэлхий дахинаа шуугиулсан Киллиан Мерфиг санал болгосон байна. Сонирхолтой. Харин Snape болон Albus Dumbledore-н дүрд тоглохоор дурдагдаад эрхмүүд фэнүүдийг сэтгэлийг гонсойлгосон шинжтэй.

• 🤔 Үзэлт нь яах юм бол доо? Harry Potter-н шинэ цуврал HBO дээр гарах тул тус платформын хамгийн өндөр үзэлттэй “Game of Thrones”-той өрсөлдөх нь гарцаагүй. Harry Potter-н сэдэвчилсэн парк жил бүр ийм өндөр жуулчин хүлээж авч байгаа гэхээр дажгүй сайн уран бүтээл гарвал шинэ тэргүүлэгч болохыг ч үгүйсгэхгүй. 

Эцэст нь… Шинээр гарах Harry Potter-н цувралууд бидний бага насны нандин дурсамжид хоногшсон дүрслэлээс нэлээд өөр байх нь. Нэг их хүлээлт тавихгүй хайрлаж үзье дээ. ✨

$7.2 мянга
Монгол Улс энэ оны 10-р сард 72.5 мянган ширхэг өндөг $7.2 мянгаар импортолжээ. 
20% 
Энэ нь өнгөрсөн сараас 20% өссөн дүн юм. 
158.6 мянга
Тэгвэл өнгөрсөн жилийн мөн үед 158.6 мянган ширхэг өндгийг $11.6 мянгаар импортолж байсан аж.

🫧🧼 Cleaning at its finest

Цэвэрлэгээний үйлчилгээ хэдийн шинэ шатанд очжээ. 📢 Тодруулбал, Professional Cleaning Service ISO 9001:2015 чанарын стандартыг нэвтрүүлэн цэвэрлэгээний цогц үйлчилгээг санал болгож буй.

Тус цогц үйлчилгээгээр гэрийн бүх өрөөнүүддээ өдөр тутмын чийгтэй цэвэрлэгээ болон их цэвэрлэгээ хийлгэхээс гадна, 

• 🏢 Оффистоо: Уг үйлчилгээгээр 7 хоногийн 7 өдөрт, чанарын өндөр түвшинд өдөр тутмын чийгтэй цэвэрлэгээ хийлгэж болох аж.

• 🚧 Барилгын дараах: Харин үүнд цонхоо дотор талаас нь угаалгах, эмульс болон бусад бохирдлуудыг арилгах болон өрөөнүүдийн хатуу гадаргуутай тавилгуудаа гадна, дотор талаас нь бүрэн цэвэрлүүлэх зэрэг багтаж буй.

За тэгээд захиалга өгөөд орчин тойрноо гялалзаж гялтганатал нь цэвэрлүүлээд байж дээ. ✨

📞 Холбогдох: 8810-9109

🍋 Энэ онд 5 эмнэлгийн дарга шинээр томилогджээ. Энэ дунд Улсын I төв эмнэлэг, ЭХЭМҮТ, ЭМЯ-ны Нийгмийн эрүүл мэндийн бодлогын газар, ХӨСҮТ болон СЭМҮТ-ийн захирлууд шинэчлэгдэж байна. Тус томилгооны талаар ЭМЯ-ны сайд удахгүй болох эрсдэлд тохирсон томилгоо хийсэн гэж тайлбарлаад буй.

🍋 Дональд Трамп Америкт $1 тэрбум болон түүнээс дээш дүнгээр хөрөнгө оруулах этгээдүүдэд аливаа зөвшөөрлүүдийг төвөггүй олгохоо амлав. Энэ хүрээнд Америкт хэрэгжүүлэх төсөл хөтөлбөрүүдэд байгаль орчны шалгалт, барилга байгууламжийн төлөвлөгөө, аюулгүй байдлын шаардлагуудыг хангаж буй эсэхийг баталгаажуулах зэрэг олон төрлийн шаардлагуудын нөхцөлийг сулруулах гэнэ. 

🍋 Энэ онд шинэ Хедж сангийн тоо 23 жилийн түүхэн доод түвшинд хүрлээ. Тодруулбал, Америк, Европ болон Хятад дахь хандив цуглуулах нөхцөл хүндэрсэнтэй холбоотойгоор тэдний хөрөнгө оруулагчдаас мөнгө татах үйл явц хүндэрчээ. Улмаар тэдний хөрөнгө оруулагчид энэ оны 9-р сарын байдлаар 10%-ийн өгөөж хүртсэн аж. 

🍋 Сирийн тэргүүлэх босогчдын бүлэглэл Hayat Tahrir al-Sham шилжилтийн ЗГ байгуулав. Тус шинэ ЗГ-ыг Турк, Иран, Ирак тэргүүтэй Ойрх Дорнод болон Арабын 13 орон дэмжих төлөвтэй байна. Тэгвэл Америкийн хувьд Дональд Трамп ерөнхийлөгч болсноор Жо Байдены засаглалын үед байсан Америкийн Сири дэх байнгын оролцоог хязгаарлах нөхцөл үүсэж буй. 

• 🎓 Хятадын ЗГ-ын магистрын тэтгэлгийн бүртгэл эхэлжээ. (StudyInChina)

• 📊 Энэ онд Google дээр ямар мэдээллүүд хамгийн их хайлттай байгаа бол? (SkyNews)

• 🎮 ТОП тоглоомуудын сонин хачин. (Polygon)

• 🌱 Ирэх жилийн Ази, Номхон далайн хөгжлийг Монголоос хэрхэн өнгөлөх бол? (AsiaFoundation)

Хамтран ажиллах | Ажлын байр | Редакцын бодлого

Publisher: Ц.Анхбаяр
Editor: С.Ангирмаа 
Writers: М.Хулан, Б.Эмүжин
Graphics by: Ц.Цэлмэг, А.Бат-Эрдэнэ