!! Гүйцэтгэх захирлаа хүлээсээр!

POWERED BY

Hey! Монголд хуванцар дахин боловсруулж байгааг мэдсэн үү? Бид Business spotlight контентынхоо ээлжит дугаарт хуванцар дахин боловсруулах “Ти Эм Эл Пластик” үйлдвэрийг онцолж байна. ЭНД дарж үзээрэй. 🍋

MSE: Монос Хүнс (MFC) ХК-ийн энэ оны ТУЗ-ийн зардлыг тодотгож ТУЗ-ийн гишүүдийн цалинг ₮83 саяар, нийт зардлыг ₮137 саяар тогтоожээ. 

MECC: Энэ оны эхний 8 сард Монголд ирсэн жуулчдын тоо өнгөрсөн оны мөн үеэс 23% өсөж 576  мянгад хүрлээ. 

MSE: Эм Жи Эл Акуа (MGLA) ХК -ийн ээлжит бус хувьцаа эзэмшигчдийн хурал маргааш болно.

🫥 Гүйцэтгэх захирлаа хүлээсээр!

Монголын Хөрөнгийн Бирж (MSE)-ийн Гүйцэтгэх захирал ажлаа хүлээлгэж өгснөөс хойш даруй 9 сар өнгөрчээ. Гүйцэтгэх захирлын сонгон шалгаруулалт өнгөрсөн оны сүүлээр зарлагдсан ч одоог хүртэл сураг ажиг үгүй… 

🤔 Юу болоод байна вэ? 

Олон улсад ер нь хаана ч нээлттэй компанийн Гүйцэтгэх захирлын томилгоо маш чухал. Энэ ч утгаараа Гүйцэтгэх захирал томилогдохгүй удах үед үйл ажиллагаа доголдох, шинэ стратегийн хэрэгжилт хойшлох, компанид дотоод хямрал үүсэх, хөрөнгө оруулагчдын итгэл буурах зэрэг эрсдэлтэй. 

• ‼ Сонгодог жишээ: Gap (GAP)-н Гүйцэтгэх захирал Соня Сингал 2022 оны 7-р сард огцорсны дараа компани Гүйцэтгэх захирлын үүргийг түр орлон гүйцэтгэгчтэй явсаар 2023 оны 7-р сарыг угтсан. Улмаар компанийн 2023 оны эхний хагас жилийн борлуулалт нь 8% буурч, тус оны 4-р сард 1,800 гаруй ажилтнаа халж, бусад брэндүүдтэй өрсөлдөх чадвараа алдсан юм. 

⁉ Яагаад томилогдохгүй байна вэ?

Харин манайд болоод байгаа жишээний хувьд, МХБ-ийн 66%-ийг Сангийн яам эзэмшдэг учир тус компанийн Гүйцэтгэх захирлын томилгоо ярвагтай, удаашралтай байгаа хэрэг. Уг нь бол энэ оны 1-р сараас МХБ-ийн Гүйцэтгэх захирлын үүргийг түр орлон гүйцэтгэгч томилогдсон. Гэхдээ 👇,

• ❗ Хараат: Төрийн өмчит компани олон нийтэд нээлттэй болсон л бол бүх үйл ажиллагаа, томилолт томилгоо нь Төрийн болон орон нутгийн өмчийн тухай хуулиар бус Компанийн тухай хуулиар зохицуулагдах нь жижиг хувьцаа эзэмшигчдийн эрх ашгийг хангана. 

• 💭 Эрх ашиг яах вэ? Ялангуяа МХБ-ийн хувьд бол компанийнх нь 34%-ийг 7,697 жижиг хувьцаа эзэмшигч эзэмшиж байгаа. IPO хийгээд нээлттэй компани болсон л бол хувьцаа эзэмшигчдийн эрх ашиг 1-рт байх ёстой. Нэмээд тус компанийн Гүйцэтгэх захирал томилогдсоны дараагаар Газрын захирлуудыг томилно гэж шийдвэрлэсэн нь маргаан дагуулаад буй. 

Эцэст нь… Одоогоос 2 жилийн өмнө төрийн өмчит нэр бүхий 26 компанийн 34 хүртэл хувьд IPO хийх талаар яригдсан. Начир дээрээ IPO хийсэн компани нь нээлттэй компанийн дүрмээр шалгаруулалтаа ил тод хийж, цаг тухайд нь мэдээлэл өгөхгүй л байна. Наанаа IPO хийж олон нийтийнх болсон ч цаанаа хаалттай хэвээр... 

🤑 Хамгийн том шагналын сантай аян

NetPay MN болон Sain Motors хамтран 10 азтан шалгаруулах хамгийн том шагналын сантай аянаа зарлаад байсан билээ. Тэгвэл тус аяны шагналын эзэд тодрон, бэлгээ гардан авчээ. 🥳

🎁 Супер азтан Jetour Х1 маркийн автомашин гардан авсан бол бусад 9 азтан Iphone 15, Samsung s24 plus, playstation, starlink, huawei buds, мөнгөн урамшуулал, Galaxy watch гэх мэт гайхалтай бэлгүүдийн эзэн болсон аж. 

🔗 Дэлгэрэнгүйг ЭНД дарж уншаарай. 

🏹 Нүүдэлчдийн олимп

Төв Азийн нүүдэлчдийн олимп болох Nomadic Games 2024 3 дахь удаагаа Казакстанд болж өнгөрлөө. 

• 🤗 Танилцъя: Дэлхийн нүүдэлчдийн V наадам 9 сарын 8-14-ний хооронд Астана хотноо зохиогдсон бөгөөд наадамд дэлхийн 100 гаруй орноос 4,000 орчим хүн оролцсон байна. Тус наадам хамгийн сүүлд 2022 онд Туркт зохиогдож байсан билээ.

🤼 Төв Азийн нүүдэлчид нэгэн дээвэр дор

Тус наадмыг анх 2014 онд Киргизстан санаачилж өдгөө 2 жил тутамд Төв Азийн орнуудыг тойрон зохион байгуулагдаж буй. Ингэхдээ оролцогчид морин уралдаан, морин барилдаан, олс таталт, байт харваа, бөхийн барилдаанаас эхлээд 21 спортын төрөлд арга билэг, авхаалж самбаагаа уралдуулан хүч сорьдог гэнэ. Сонирхолтой нь Nomadic Games-н онцлох спортын төрөл нь дэлхий даяар мартагдах шахсан шонхроор ан хийлгэх тэмцээн гэсэн шүү.

• Дэлхийд ховор нүүдэлчид: Тус наадамд гагцхүү спортын төрлөөр өрсөлдөхөөс гадна үндэсний хувцас, дуу хуураа сурталчлах, таниулдгаараа онцлог. Түүхийн хуудаснаа нүүдэлчид Төв Ази, Хойд Африк, Арабын хойг, Түвдийн өндөрлөг хэсгээр нутаглаж ирсэн түүхтэй. Энэ дундаа Монголтой хамгийн ойр амьдралын хэв маягтай нүүдэлчид бол яахын аргагүй Төв Азийн орнуудын нүүдэлчид юм. 

🏅 Монгол тамирчдын үзүүлэлт

Монголоос World Nomadic Games-д 100 гаруй тамирчид оролцсон. Гэсэн хэдий ч… 

• 🤐 Загасчны морь усгүй: Kokpar гэх морьт уралдаанд Киргизстаны баг Монголын багийг 16:0-н харьцаагаар хожоод буй. Kokpar гэдэг нь морьтой хүмүүс ямааны гулууз, заримдаа тусгайлан хийсэн орлуулагчийг газраас шүүрэн авч, эсрэг багийн хаалганд хийх тэмцээн аж. Цаашлаад, Монголын ерөнхийг оноог сонордуулахад тамирчид 16 төрөлд өрсөлдөж 5 мөнгө, 9 хүрэл медальтайгаар 89 орноос 19-рт жагсжээ. 

• 🔢 Үр дүн: Цаашлаад нүүдэлчдийн олимпыг Казакстан 69 медальтай, Киргизстан 38, Орос 37 медальтайгаар өндөрлүүлсэн юм. 

Эцэст нь… Nomadic Games бол даяаршиж буй дэлхий ертөнц дэх нүүдэлчдийн өв соёл, амьдралын хэв маягийг хадгалах, дэлхий дахинд сурталчлах зорилготой наадам. Тус олимпыг Хүннү гүрэн, Чингис хааны үеийн нүүдэлчдийн наадмыг орчин үеийн ертөнцөд авчирсан хэмээн сурталчилдаг. Гэтэл түүхийн эзэд болох Монгол зохион байгуулагчаар биш оролцогчоор л оролцож явна. Хүннү гүрэн, Чингис хаан бол Монгол гүрэн, Монголын хаан байсан гэх баталгаа түүхийн хуудсанд тоосонд дарагдаж байх зуур бидний түүхээс булаалдах улс орнууд хэдийнээ өөрсдийн мэт ярьж, сурталчилж байгаа нь харамсалтай.

Excel хүснэгтдээ алдаатай оруулсан мэдээллээ нэг бүрчлэн засах шаардлагагүй байдгийг мэдэх үү? Find and Replace функцийг ашиглан хүснэгтийн бүх мэдээллийг нэг дор солих боломжтой байдаг аж. 

Яаж вэ гэвэл, Ctrl+F дараад гарч ирсэн цонхон дээр Find what болон Replace with нэр томьёонуудыг оруулахад л болох юм. Туршаад үзээрэй. 👍

🚜 Уулын баатар техник

Уул уурхайн акулууддаа шинэ мэдээтэй! 100 жилийн түүхт Катерпилларын албан ёсны дилер Barloworld Mongolia SEM 3090F өөрөө буулгагчийг тун удахгүй оруулж ирэх гэж байна. 📢

• 🏅 Дэвшилтэт: Сул зогсолт хамгийн бага, түлшний ашигт ажиллагаа зэргийг цогцлоосон “Robust design” буюу хамгийн бат бөх төмөр хийцлэлтэй. 

• 🛡️ Онцлог: Уулын тормоз, хийн амаржин бүхий операторын суудал, гарт амар хялбар шилжүүлж болохуйц хурдны хайрцаг, ямар ч залгаасгүй цутгамал гантай үндсэн их биеэс бүрдэх бөгөөд тэвш нь 2 м.куб-ээр илүү ачдагаараа бусад дампаас ялгаатай аж. 

Сонирхуулахад, Barloworld Mongolia нь салбартаа 17 жилийн турш үйл ажиллагаагаа эрхэлж байгаа бөгөөд SEM брэндийн тоног төхөөрөмжийг л гэхэд албан ёсоор 15 жилийн туршид оруулж ирж буй арвин туршлагатай гэнэ шүү. 😎

🔗 Дэлгэрэнгүй мэдээллийг 7018-7588 дугаарт холбогдож аваарай.

🍋 4200 орчим багшийн сул орон тоог гэрээт багшаар нөхнө. Тодруулбал, БШУЯ-наас багшлах эрхийн гэрчилгээ олгох журмыг шинээр баталж, голч дүн нь 2.7 онооноос дээш математик, англи хэл, ЭЗ-ийн чиглэлээр бакалаврын зэрэгтэй иргэн болон III, IV дамжааны оюутныг гэрээт багшаар ажиллах нөхцөлийг бүрдүүлээд буй.

🍋 Хятад хэлний төрөлжсөн сургалттай сургуулиудын шилдэг 100 сурагчдад элчин сайдын нэрэмжит тэтгэлгийг гардуулжээ. Өдгөө Улаанбаатар хотод Хятад хэлний төрөлжсөн сургалттай төрийн өмчийн 3, хувийн 21 сургуульд 4,326 суралцагч тус хэлийг сонирхон судалж байгаа бөгөөд суралцагчдын хятад хэл сурах сонирхлыг нэмэгдүүлэхээр тус тэтгэлгийг олгоод буй.

🍋 Tencent (0700.HK)-н хамтран үүсгэн байгуулагч Пони Ма ахин Хятадын хамгийн баян хүнээр тодров. Өчигдөр Хонконгийн хөрөнгийн биржийн зарим компанийн хувьцааны үнэ унаснаар тэрбээр $43.9 тэрбумын хөрөнгөтэй, савласан усны магнат Жун Шаншанийг гүйцээд буй. Улмаар ByteDance-н үүсгэн байгуулагч Жан Имин 2-рт, савласан усны магнат 3-рт тус тус бичигдэж байна.

🍋  УИХ-ын захирамжаар залуучуудын хөгжлийг дэмжих, ЖДҮ-г дэмжих, тамхины хяналт тэргүүтэй 12 ажлын хэсэг байгуулагджээ. Тус ажлын хэсгүүд нь холбогдох хууль, эрх зүйн орчныг боловсронгуй болгох, хэрэгжилтийг нь эрчимжүүлэх чиглэлээр санал боловсруулж ажиллах юм.

• 📱 iOS 18 үйлдлийн системийг утсан дээрээ суулгахаасаа өмнө хийх хэрэгтэй үйлдлүүд. (CNET)

• 🔫 Дональд Трамп ахиад л халдлагад өртөж, Хятадын хэвлэл мэдээллээр бөөн юм болж байна. (CNBC)

• 🖼️ Япон, Монгол уран бүтээлчийн үзэсгэлэн. (ArtDaily)

• ⚖️ Автомашины улсын дугаарын тэгш, сондгой хязгаарлалт хийх эсэх талаар ахин санал асуулга явуулж байгаа шүү. Оролцоорой. (Vote.Ulaanbaatar)

Хамтран ажиллах | Ажлын байр | Редакцын бодлого

Publisher: Ц.Анхбаяр
Editor: С.Ангирмаа
Writers: М.Хулан, Б.Эмүжин
Graphics by: Ч.Батцэрэн